ముప్ఫయిమూడు - రెండవభాగం

తనకక్కడ ఒక ఆకారం – అందరూ కలిసి ఇచ్చిన ఆకారం – అది వదిలేసి వచ్చాడా – అదే మళ్లీ ---- అప్పుడంటే చిన్నవాడు – అందుకని అలా ఊరుకున్నాడు – ఇప్పుడు మరి తప్పించుకోను వీల్లేదు – మొదటినుంచి – మళ్లీ మొదలు – అలాకాదు – ఆగాలి –

వాడు మౌళి – వాడికెప్పుడూ సాయం కావాలి –

వాడికి అందరి మీదా అనుమానమే –

అన్నీ తనవల్లేనంటాడు –

తనదగ్గర ఉన్నదంతా వాడికే అయిందప్పుడు –

ఇప్పుడు వాడు బాగు పడ్డాడు – దశ తిరిగింది –

తన డబ్బు తిరిగి ఇస్తాడా వాడు –

అడిగితే ఎముకలు విరుస్తాడేమో

అనాడంటే వాడికి అవసరం – తరువాత తనగురించి కథలల్లాడు – తన పరువు తీశాడు – కొంచెం కొంచెమే –

అందరి మాటలనూ అందుకుని – మరింత పెంచి – మౌళి- కనిపించిన ప్రతి పురుగుతోనూ – తనగురించి – సానుభూతిగా – వాడు లేకుంటే వాడినీడలు – దూరందాకా –ఘోరంగా – మౌళి – అంతంలేనివాడు – ఆఘాయిత్యాలవాడు – కేవలం అప్పు కోసం - -- ఇలా --- ఇంతనీచంగా -----

ఈ మౌళిగాళ్లనందరినీ ఎదుర్కోవాలి – ఎందరో – ఎందరో ---- అందరినీ --- కానీ ---వీడుమాత్రం ఒక్కడే –పిచ్చెత్తుతున్నట్టు – నిజంగా ఫ్రెండంటూ ఎవడన్నాఉన్నాడా – అన్నట్టు – అంతా మోసం ----

నళిని----

తనని క్షమించినట్టు మాట్లాడుతూ –

ఆనాడు బ్లాక్ మెయిల్ చేసి, భయపెట్టి, సర్వనాశనం చేసి, ఎప్పుడది, మొన్నమొన్ననే ---- కొన్నిసంవత్సరాలైనా కాలేదు ---

ఇప్పుడు

తాను ఫ్రెండా ఎంతతెలివిగా ---కలుపుగోలుగా --- కరుణతో ---అవును --- ఇప్పుడు తనకు పెళ్లి అయిపోయిందిగా ---

తానే ఒప్పుకున్నాడు – మోసం చేశానని --- అన్యాయంగా ---

ఇప్పుడు నళినికొక పాపకూడా ----

తనకేమీ పట్టనట్టు మాట్లాడుతుందేమి

తనకు బాధలేనట్టుందేమి

ఆడవాళ్లు అంతేనేమో

అశ్చర్యం --- ఆనిండుతనం --- ఆ నిర్లక్ష్యం ---

తనదే తప్పా ---నమ్మకం కలగకుండా --- తను అలా పారిపోతే తప్పక ఇంకో మగవాణ్ణి కట్టుకున్నదనుకుంటూ ----- యింకా ---  నయం ----

తనదే తప్పా నళినీ --- తాను కూడా అలానే అనుకుంటున్నట్టు ---నీదే తప్పోయ్ ---

ఛీ నేనేం చేశాను బాధపట్టలేక అప్పుడలా అనుకున్నాను – ఇప్పుడంచా క్లియర్ గా ఉందికదూ --- కానీ యిలా అనుకుంటే --- ఇదేమీ బాగుండలేదు

ఈ సంవత్సరం అంతా సర్వనాశనం కాకుండా ఉంటే ఉంటే అదే పదివేలు ---

అజంతా గుహలు చూడవచ్చు --- అహమదాబాదూ వెళ్లవచ్చు

ఃఃఃఃఃఃఃఃఃఃఃఃః

ఈ పాతఊరు --- ఎంతో అందంగా ఉంటుంది ---అయినా ఇక్కడ బతకడం మాత్రం కష్టం --- సహం మిత్రులు --- పూర్తి మిత్రులూ --- వాడు మౌళి --- మౌళిగానికి మౌళిగాంటే పడదు --- వాళ్లిద్దరికీ ఈ మూడో మౌళిగాంటే మంట ---- నీవు నిలబడ్డ నీడను అందరూ తలొకదిక్కునుంచి చిల్లులు పొడుస్తూ -----

నీకందరూ కావాలి --- నీవందరికీ కావాలి --- ఆమాట మాత్రం నోట్లోంచి రాదు ---

తప్పించుకోనూ లేవు --- నావు ఏసాకుచెప్పినా సవాలక్ష అర్థాలు ---

ఉత్తరంరాయకుంటే నీకు గర్వమంటారు --- ఆలస్యం చేస్తే అర్భకుడంటారు ---

కానీ ఇదంతా ఎప్పుడు ఎట్లా మొదలయింది ---సంఘంచేతిలో తాను ఆనాడు అట్లా చిక్కిననాడేకదా బతకాలంటే ఒకతనలోనుంచి ఇంకొకడు – ఇంకొకడు – ఇంకెందరో --- వస్తూ --- మంచితనం – మైత్రి – ఉన్నాయా – నీవు నమ్మకపోతే – నిన్నూ నమ్మరు ----

అపనమ్మకం – అంతదాకా --- అందరిమీదా --- చస్తేనే అన్నీ సమసిపోతాయి ---

ఎండలు – రోజులను కొలిమిలోవేసి కాలుస్తూ --- సమ్మెటవేస్తూ --- కాలం ప్రతిధ్వనిస్తూ ---

సముద్రం అలిసిపోయింది ---  గాలీ అలిసింది --- నేలా అలిసింది ---

మనిషి – మాంసం – వాని శరీరానికి లంచం ---- ఏటిగట్టున, ఇసుకతిన్నెల్లో శరీరాల లంచం -----

ఎండలూ సమసిపోతాయి – అందుకనే ఆలోపలే అందరినీ మింగేయాలని తాపత్రయపడుతూ ---

ఆ ఇసుకల్లో, ఆరాళ్లలో, ఆ గుడిసెల్లో, ఆ చెట్లల్లో, అమ్మాయిలు హత్తుకుంటూ ---

ఊళ్లో మధ్యాహ్నం ఎండలో, మసక తెరల చాటుగా, మగతనిద్ర మాటుగా, హైహీల్డ్ చెప్పులు జారిపడితే, ముందున్న నడుం వాటేసుకుని – సారీ ----

ఆ ఎండల్లో – అంతా నిశ్శబ్దం – ఉలుకూ పలుకూ లేకుండా ---

నగరంనుంచి నదిదాకా --- నల్లకళ్లూ – పిల్లికళ్లూ – ఈ ఆకలి – ఆ ఆకలి --- ఇసుకలో వెలుగూ –చెట్లకింద చీకటి ---ఎండల్లో పడుతూ లేస్తూ ---

సూర్యుడూ అలిసిపోయాడు – ఏరోజుకారోజే – ఆలస్యం చేస్తున్నాడు --- త్వరగా లేస్తున్నాడు ---

నీళ్లు – నీళ్లు – దప్పిక – ఏరు ఎండిపోతున్నది –

అందరినీ ప్రేమిస్తున్నాడా మూకుమ్మడిగా ---

ఃఃఃఃఃఃఃఃఃఃఃఃఃఃఃఃఃఃః