మాహియా అనేది పంజాబీ జానపద కవితా విధానం.

ఇందులో మూడు పాదాలుంటాయి.

మొదటి, మూడవ పాదాలకు ప్రాస ఉంటుంది.

రెండవ పాదం లేకున్నా కవితకు అర్ఠం ఉంటుంది.

నేను తెలుగులో కొన్ని మాహియాలు రాశాను.

చదివి అభిప్రాయం తెలియజేయండి.

 ***

పల్లె ఒడిలొ పుట్టాను.

       బతుకు మీద ఆశలు పెరిగి

పక్కకెలా జరిగాను?

 ***

రోజంతా గడిచింది

       ఇక తప్పనిదొకటుంది

రాతిరి వచ్చేస్తుంది.

 ***

ఊహల ఈ ఉయ్యాల

       తలకిందులుగా ఉంది!

చక్కగెలా చెయ్యాల?

 ***

నడిచొచ్చే స్వప్నాలు

       నడి రోడ్డున గజిబిజిగా పడి

పగిలినాయి! ఇకచాలు!!

***

పేదవాడి కడుపే ఆకలి

       ఏ రకంమయినా ఒకటే!

కలవారికి నిలువున ఆకలి!!

 ***

కోరికలు కోట్లుగ ఉన్నయ్

       కానున్నది ఎవరికి తెలుసు?

ఆశలు పలు మెట్లుగ ఉన్నయ్!

 ***

ప్రతి సంగతి అరకొరగుంది

       తెలవారితె వెలుగొస్తుంది

నిద్ర కూడ అవసరముంది!

 ***

కానున్నది కాకమానదు

       ఎదిరిస్తే గాలి నిలవదు

రేపన్నగి రాక మానదు!

 ***

కొలనులోన కలువలు పూస్తయ్

ఆధారం ఉంటే తాలు

ఆలోచనలెన్నో వస్తయ్!

 ***

ముందుకు పదమంటాడు

       ముక్కు పెద్దదేమో పాపం!

దారి తడుముతుంటాడు!!

****